Shirdi Sai Baba Kasht Nivaran Mantra-English

The Shirdi Sai Baba Kasht Nivaran Mantra is recited as a prayer dedicated towards Sai Baba.This Mantra is an invocation to Sai Baba to ward off the difficulties faced by the devotee.
This Mantra if recited with a pure heart and goodwill towards all is sure to bring the desired results with the blessings of Sai Baba.
For Hindi Version see-Shirdi Sai Baba Kasht Nivaran Mantra-Hindi

Shirdi Sai Baba Kasht Nivaran Mantra

Sadguru sainaath maharaj ki jai

Kashton ki kali chaya dukhdayi hai,Jeewan me ghor udasi layi hai l

Sankat ko talo sai duhai hai.Tere siwa na koi sahayi hai l

Mere man teri surat samai hai ,Har pal har kshan mahima gayi hai l

Ghar mere kashton ki aandhi aayi hai,Aapne kyun meri sudh bhulayi hai l

Tum bholenaath ho daya nidhan ho,Tum hanuman ho maha balwan ho l

Tumhi ram aur shyam ho,Saare jagat mein tum sabse mahan ho l

Tumhi mahakali tumhi maa shaarde,Karta hoon prarthna bhav se taar de l

Tumhi mohhammad ho gareeb nawaz ho,Nanak ki vani mein eesa ke saath ho l

Tumhi digambar tumhi kabir ho,Ho budh tumhi aur mahaveer ho l

Saare jagat ka tumhi aadhar ho,Niraakar bhi aur saakar ho l

Karta hu vandana prem vishwas se,suno sai allah ke vaste l

adharo pe mere nhi muskaan hai,Ghar mera banna laga shamshan hai l

Reham nazar karo ujre viran pe,Zindagi sawaregi ek vardan se l

Paapo ki dhoop se tan laga haarne,Aapka ye das laga pukaarne l

Aapne sada hi laaj bachayi hai,Der na ho jaaye man shankayi hai l

Dheere dheere dheeraj hi khota hai, Man me basa vishwas hi rota hai l

Meri kalpana saakar kar do,Sooni zindagi me rang bhar do l

Dhote dhote paapon ka bhaar zindagi se,Main gaya haar zindagi se l

Naath avgun ab to bisaaro,Kashton ki lehar se aake ubaaro l

Karta hu paap main paapo ki khan hu,Gyani tum gyaneshwar main agyan hu l

Karta hu pag pag par paapo ki bhool main,Taar do jeewan charno ki dhool se l

Tumne ujda hua ghar basaya,Paani se Deepak bhi tumne jalaya l

Tumne hi shirdi ko dhaam banaya,Chhote se gaon mein swarg sajaya l

Kasht paap shrap utaro,Prem daya drishti se nihaaro l

Aapka daas hu aise naa taaliye,Girne laga hu sai sambhaliye l

Saiji balak main anaath hu,Tere bharose rehta din raat hu l

Jaisa bhi hoon, hoon to aapka,Keeje nivaran mere santaap ka l

Tu hai sawera aur main raat hoon,Mel nhi koi phir bhi saath hoon l

Saiji mujhse mukh naa modo,Beech majhdaar akela na chodo l

Aapke charno mein base pran hain,Tere vachan mere guru saman hain l

Aapki raah pe chalta daas hai,Khushi nhi koi jeewan udas hai l

Aansoo ki dhaara mein doobta kinaara,Zindagi mein dard , nhi guzaara l

Lagaya chaman to phool khilaao,Phool khile hai to khushboo bhi laao l

Kar do ishara to baat ban jaye,Jo kismat me nhi wo mil jaaye l

Beeta zamana ye gaake fasana,Sarhade zindagi maut tarana l

Der to ho gayi hai andher na ho,Fikr mile lekin fareb na ho l

Deke taalo ya daaman bacha lo,Hilne lagi rehnumayi sambhalo l

Tere dam pe allah ki shaan hai,Sufi santon ka ye bayan hai l

Gareebon ki jholi me bhar do khazana,Zamane ke wli na karo bahana l

Dar ke bhikhari hain mohtaaj hain hum,Shehenshahe aalam karo kuch karam l

Tere khazaane mein allah ki rehmat,Tum sadguru saiji ho samarth l

Aaye ho dharti pe dene sahara,Karne lage kyun humse kinaara l

Jab tak ye brahmand rahega,Sai tera naam rahega l

Chaand sitare tumhe pukaarenge,Janmojanam hum rasta nihaarenge l

Aatma badlegi chole hazar,Hum milte rahenge baarambar l

Aapke kadmo mein baithe rahenge,Dukhde dil ke kehete rahenge l

Aapki marzi hai do ya na do,Hum to kahenge daaman hi bhar do l

Tum ho data hum hain bhikhaari,Sunte nhi kyun araz hmari l

Achchha chalo ek baat bta do,Kya nhi tumhaare paas bta do l

Jo nhi dena hai inkaar kar do,Khatam ye aapas ki takrar kar do l

Laut k khali chala jaaunga,Phir bhi gun tere gaaunga l

Jab tak kaaya hai tab tak maaya hai,Isi mein dukhon ka mool samaya hai l

Sab kuch jaan ke anjaan hu main,Allah ki tu shaan teri shaan hu main l

Tera karam sada sabpe rahega,Ye chakra yug yug chalta rahega l

Jo prani gayega saiji tera naam,Usko mukti mile pahuche param dhaam l

Ye mantra jo praani nit din gaayege,Raahu ketu shaani nikat na aayenge l

Tal jaayenge sankat saare,Ghar mein vaas Karen sukh saare l

Jo shraddha se karega pathan,Us par dev sabhi ho prasann l

Rog samool nasht ho jayenge,Kasht nivaaran mantra jo gaayenge l

Chinta harega nivaran jaap,Pal mein door ho sab paap l

Jo ye pustak nit din baanche,Shri lakhmi ji ghar uske sada viraaje l

Gyan buddhi praani wo paayega,Kasht nivaran mantra jo dhyayega l

Ye mantra bhakto kamal karega,Aayi jo anhoni to taal dega l

Bhoot prêt bhi rahenge door,Is mantra mein sai shakti bharpoor l

Japte rahe jo mantra agar,Jaado tona bhi ho beasar l

Is mantra mein sab gun samaye,Na ho bharosa to aazmaye l

Ye mantra saiji vachan hi jaano,Swayam amal kar satya pehchaano l

Sanshay na laana vishwas jagana,Ye mantr sukhon ka hai khazana l

Is pustak mein sai ka vas,Jai sai shri sai jai jai sai l

Related articles
Shirdi Sai Baba Udi/Vibhuti Mantras (prophet666.com)
11 Vachan of Sai Baba of Shirdi (prophet666.com)
Sai Chalisa-Hindi (prophet666.com)
Shirdi Sai Baba Dhayan Mantra (prophet666.com)
Sai Chalisa-English (prophet666.com)
Shirdi Sai Baba Aarti -English Marathi 3 (prophet666.com)