Sai Chalisa-English

Sai Baba of Shirdi is probably the most loved and worshipped saint in India. The origins of Sai Baba are unknown, there is still a debate going on whether he was a Hindu or a Muslim. The most popular saying of Sai Baba was "Sabka Malik Ek Hai" or “every ones master is the same”.Sai Baba was above religion and his teachings were based on love, love, forgiveness, helping others, charity, contentment, inner peace, devotion to God and guru.

Another one of his everyday sayings was “thumara uddhar ho” or “may you evolve”.Thus it becomes clear that his primary mission on earth was to teach and help people to evolve and come closer to God.Many of his disciple later became great saint and carried on the teachings of Sai Baba.Sai baba combined the best of all religions and his followers include people from all religions.

Shirdi where Sai Baba spent most of his life is probably the most visited and popular places of pilgrimage in India.

This is the Sai Chalisa,unlike most Chalisa’s this Chalisa is not of forty verses but 102 verses hence I have split this post into two parts,the English translation and the Hindi version.

Shirdi Sai Baba 3D
Shri Shirdi Sai Baba Chalisa in English Text
श्री शिर्डी साईं बाबा चालीसा इन इंग्लिश 

Sai Chalisa
English Translation
Pahle Saai Ke Charano Mein, Apanaa Shish Namaau Mein l
Kaise Shirdi Saai Aaye, Saara Haal Sunaau Mein. ll
Kaun He Maata, Pita Kaun He, Yah Na Kisi Ne Hi Jaana l
Kaha Janam Sai Ne Dhaara, Prashn Paheli Raha Bana. ll
Koi Kahe Ayodhya Ke Ye, Ramchandra Bhagavaan Hai l
Koi Kahta Saibaba, Pavan-Putra Hanuman Hai. ll
Koi Kahta Mangal Murti, Shri Gajaanan Hai Sai l
Koi Kahta Gokul-Mohan, Devaki Nandan Hai Sai. ll
Shankar Samajh Bhakt Kai To, Baba Ko Bhajte Rahte l
Koi Kah Avatar Datt Ka, Pooja Sai Ki Karate. ll
Kuchh Bhi Maano Unako Tum, Par Sai Hai Sachche Bhagvaan l
Bade Dayaalu, Deenbandhu, Kitano Ko Diya Hai Jivan Daan. ll
Kai Varsh Pahle Ki Ghatna, Tumhe Sunaaunga Mein Baat. l
Kisi Bhagyashali Ki, Shirdi Me Aai Thi Baarat. ll
Aaya Saath Usi Ke Tha, Baalak Ek Bahut Sundar l
Aaya, Aakar Vahi Bas Gaya, Paavan Shirdi Kiya Nagar. ll
Kai Dino Tak Raha Bhatkata, Bhiksha Maangi Usane Dar-Dar l
Aur Dikhaai Aisi Leela, Jag Me Jo Ho Gai Amar. ll
Jaise-Jaise Umar Badhi, Vaise Hi Badhati Gai Shaan l
Ghar-Ghar Hone Laga Nagar Me Saai Baba Ka Gunagaan. ll
Dig-Digant Me Laga Gunjane Phir To Saiji Ka Naam l
Deen-Dukhi Ki Raksha Karna, Yahi Raha Baba Ka Kaam. ll
Baba Ke Charno Me Jaakar, Jo Kahta Mein Hu Nirdhan l
Daya Usi Par Hoti Unaki, Khul Jaate Dukh Ke Bandhan. ll
Kabhi Kisi Ne Maangi Bhiksha, Do Baba Mujhako Santaan l
Evam Astu Tab Kahakar Sai, Dete The Usako Varadaan. ll
Svayam Dukhi Baba Ho Jaate, Deen-Dukhijan Ka Lakh Haal l
Antahkaran Shri Saai Ka, Saagar Jaisa Raha Vishaal. ll
Bhakt Ek Madraasi Aaya, Ghar Ka Bahut Bada Dhanvaan l
Maal Khajaana Behad Uska, Keval Nahi Rahi Santaan. ll
Laga Manaane Sai Naath Ko, Baba Mujh Par Daya Karo l
Jhanjha Se Jhankrit Naiya Ko, Tum Hi Meri Paar Karo. ll
Kuldipak Ke Abhaav Me, Vyarth Hai Daulat Ki Maaya l
Aaj Bhikhari Ban Kar Baba, Sharan Tumhari Mein Aaya. ll
De Do Mujhako Putra Daan, Mein Rini Rahunga Jivan Bhar l
Aur Kisi Ka Aas Na Mujhako Sirf Bharosa Hai Tum Par. ll
Anunay-Vinay Bahut Ki Usane, Charno Me Dharke Shish l
Tab Prasann Hokar Baba Ne, Diya Bhakt Ko Yah Aashish. ll
‘Alla Bhala Karega Tera,’ Putra Janm Ho Tere Ghar l
Kripa Hogi Tum Par Usaki, Aur Tere Us Baalak Par. ll
Ab Tak Nahi Kisi Ne Paaya, Saai Ki Kripa Ka Paar l
Putra Ratn De Madraasi Ko, Dhany Kiya Uska Sansaar. ll
Tan-Man Se Jo Bhaje Usi Ka, Jag Me Hota Hai Uddhar l
Saanch Ko Aanch Nahi Hai Koi, Sada Jhooth Ki Hoti Haar. ll
Mein Hu Sada Sahaare Uske, Sada Rahunga Usaka Daas l
Sai Jaisa Prabhu Mila Hai, Itani Hi Kam Hai Kya Aas. ll
Mera Bhi Din Tha Ek Aisa, Milati Nahi Mujhe Thi Roti l
Tan Par Kapda Dur Raha Tha, Sheshh Rahi Nanhi Si Langoti. ll
Sarita Sammukh Hone Par Bhi Mein Pyaasa Ka Pyaasa Tha l
Durdin Mera Mere Upar, Daavagni Barasaata Tha. ll
Dharati Ke Atirikt Jagat Me, Mera Kuchh Avalamb Na Tha.l
Bana Bhikhaari Mein Duniya Me, Dar-Dar Thokar Khaata Tha. ll
Aise Me Ek Mitra Mila Jo, Param Bhakt Sai Ka Tha l
Janjaalo Se Mukt Magar Is, Jagati Me Vah Mujhasa Tha. ll
Baba Ke Darshan Ki Khaatir, Mil Dono Ne Kiya Vichaar l
Sai Jaise Dayaamurti Ke, Darshan Ko Ho Gaye Taiyaar. ll
Paavan Shirdi Nagari Me Jaakar, Dekhi Matvaali Murti l
Dhany Janm Ho Gaya Ki Hamane, Jab Dekhi Sai Ki Soorati. ll
Jab Se Kiye Hai Darshan Hamne, Dukh Saara Kaafur Ho Gaya l
Sankat Saare Mite Aur, Vipadaao Ka Ant Ho Gaya. ll
Maan Aur Sammaan Mila, Bhiksha Me Hamko Baba Se l
Pratibimbit Ho Uthe Jagat Me, Ham Sai Ki Abha Se. ll
Baba Ne Sammaan Diya Hai, Maan Diya Is Jivan Me l
Isaka Hi Sambal Le Mein, Hansata Jaaunga Jivan Me. ll
Sai Ki Leela Ka Mere, Man Par Aisa Asar Hua l
Lagta Jagati Ke Kan-Kan Me, Jaise Ho Vah Bhara Hua. ll
Kashiram Baba Ka Bhakt, Is Shirdi Me Rahata Tha l
Mein Sai Ka Sai Mera, Vah Duniya Se Kahata Tha. ll
Siikar Svayam Vastra Bechta, Gram Nagar Baajaro Me l
Jhankrit Usaki Hrid Tantri Thi, Sai Ki Jhankaro Me. ll
Stabdh Nisha Thi, The Soye, Rajani Aanchal Me Chaand –Sitaare l
Nahi Sujhata Raha Haath Ko Haath Timir Ke Mare. ll
Vastra Bechakar Laut Raha Tha, Hay! Haat Se Kaashi l
Vichitra Bada Sanyog Ki Us Din, Aata Tha Vah Ekaaki. ll
Gher Raah Me Khade Ho Gaye, Use Kutil, Anyaayi l
Maaro Kato Luto Isaki Hi Dhvani Padi Sunaai. ll
Loot Piit Kar Use Vaha Se, Kutil Gaye Champat Ho l
Aaghaato Se Marmaahat Ho, Usane Di Sangya Kho. ll
Bahut Der Tak Pada Raha Vah, Vahi Usi Haalat Me l
Jaane Kab Kuchh Hosh Ho Utha, Usko Kisi Palak Me. ll
Anjaane Hi Uske Muh Se, Nikal Pada Tha Sai l
Jisaki Pratidhvani Shirdi Me, Baba Ko Padi Sunaai. ll
Kshubdh Utha Ho Maanas Unka, Baba Gaye Vikal Ho l
Lagata Jaise Ghatna Saari, Ghati Unhi Ke Sammukh Ho. ll
Unmaadi Se Idhar-Udhar, Tab Baba Lage Bhatakane l
Sammukh Chije Jo bhi Aai, Unko Lage Patkane. ll
Aur Dhadhkate Angaaro Me, Baba Ne Apana Kar Daala l
Huye Sashankit Sabhi Vaha, Lakh Taandav Nritya Niraala. ll
Samajh Gaye Sab Log Ki Koi, Bhakt Pada Sankat Me l
Kshubhit Khade The Sabhi Vaha Par, Pade Huye Vismay Me. ll
Use Bachaane Ke Hi Khatir, Baba Aaj Vikal Hai l
Uski Hi Piida Se Piidit, Unka Antahsthal Hai. ll
Itane Me Hi Vidhi Ne Apani, Vichitrata Dikhlaai l
Lakh Kar Jisko Janta Ki, Shraddha Sarita Lahraai. ll
Lekar Sangyahin Bhakt Ko, Gaadi Ek Vaha Aai l
Sammukh Apane Dekh Bhakt Ko, Sai Ki Aankhe Bhar Aai. ll
Shaant, Dhir, Gambhir Sindhu Sa, Baba Ka Antahsthal l
Aaj Na Jaane Kyo Rah-Rah Kar, Ho Jaata Tha Chanchal. ll
Aaj Daya Ki Murti Svayam Tha, Bana Hua Upachaari l
Aur Bhakt Ke Liye Aaj Tha, Dev Bana Pratihaari. ll
Aaj Bhakti Ki Vishham Pariksha Me, Saphal Hua Tha Kaashi l
Usake Hi Darshan Ke Khaatir, The Umade Nagar-Nivaasi. ll
Jab Bhi Aur Jaha Bhi Koi, Bhakt Pade Sankat Me l
Usaki Raksha Karane Baba, Aate He Palbhar Me. ll
Yug-Yug Ka Hai Saty Yah, Nahi Koi Nai Kahaani l
Aapaatgrast Bhakt Jab Hota, Aate Khud Antaryaami. ll
Bhed-Bhaav Se Pare Pujaari, Maanavata Ke The Sai l
Jitane Pyaare Hindu-Muslim, Utane Hi The Sikkh Isaai. ll
Bhed-Bhaav Mandir-Masjid Ka, Tod-Phod Baba Ne Daala l
Ram-Rahim Sabhi Unke The, Krishna-Karim-Allataala. ll
Ghante Ki Pratidvani Se Gunja, Masjid Ka Konaa-Konaa l
Mile Paraspar Hindu-Muslim, Pyaar Badha Din-Duna. ll
Chamatkaar Tha Kitana Sundar, Parichay Is Kaaya Ne Di l
Aur Neem Kaduvaahat Me Bhi, Mithaas Baba Ne Bhar Di. ll
Sabako Sneh Diya Sai Ne, Sabako Santul Pyaar Kiya l
Jo Kuchh Jisane Bhi Chaaha, Baba Ne Unako Vahi Diya ll
Aise Sneh Shil Bhaajan Ka, Naam Sada Jo Japa Kare l
Parvat Jaisa Dukh Na Kyo Ho, Palbhar Me Vah Dur Tare ll
Sai Jaisa Data Hamne, Are Nahi Dekha Koi l
Jisake Keval Darshan Se Hi, Saari Vipada Dur Ho Gai ll
Tan Me Sai, Man Me Sai, Sai-Sai Bhaja Karo l
Apane Tan Ki Sudhi-Budhi Khokar, Sudhi Usaki Tum Kiya Karo. ll
Jab Tu Apani Sudhi Taj, Baba Ki Sudhi Kiya Karega l
Aur Raat-Din Baba, Baba Hi Tu Rataa Karega. ll
To Baba Ko Are! Vivash Ho, Sudhi Teri Leni Hi Hogi l
Teri Har Ichchha Baba Ko, Puri Hi Karni Hogi. ll
Jangal-Jangal Bhatak Na Paagal, Aur Dhundhane Babako l
Ek Jagah Keval Shirdi Me, Tu Paayega Baba Ko. ll
Dhany Jagat Me Prani Hai Vah, Jisne Baba Ko Paaya l
Dukh Me Sukh Me Prahar Aath Ho, Sai Ka Hi Gun Gaaya. ll
Gire Sankato Ke Parvat, Chaahe Bijali Hi Toot Pade l
Sai Ka Le Naam Sada Tum, Sammukh Sab Ke Raho Ade. ll
Is Budhe Ki Karaamaat Sun, Tum Ho Jaoge Hairaan l
Dang Rah Gaye Sunkar Jisako, Jaane Kitane Chatur Sujaan. ll
Ek Baar Shirdi Me Saadhu, Dhongi Tha Koi Aaya l
Bholi-Bhali Nagar-Nivaasi, Janata Ko Tha Bharmaaya. ll
Jadi-Butiya Unhe Dikhaakar, Karne Laga Vaha Bhaashhan l
Kahne Laga Suno Shrotagan, Ghar Mera Hai Vrindaavan. ll
Aushadhi Mere Paas Ek Hai, Aura Jab Isme Shakti l
Iske Sevan Karne Se Hi, Ho Jaati Dukh Se Mukti. ll
Agar Mukt Hona Chaaho Tum, Sankat Se Bimaari Se l
To Hai Mera Namr Nivedan, Har Nar Se Har Naari Se. ll
Lo Kharid Tum Isko Iski, Sevan Vidhiyaa Hai Nyaari l
Yadyapi Tuchchh Vastu Hai Yah, Gun Usake Hai Ati Bhaari. ll
Jo Hai Santati Heen Yaha Yadi, Meri Aushadhi Ko Khaaye l
Putra-Ratn Ho Praapt, Are Vah Muh Maanga Phal Paaye. ll
Aushadhi Meri Jo aN Kharide, Jivan Bhar Pachhtaayega l
Mujh Jaisa Praani Shaayad Hi, Are Yaha Aa Paayega. ll
Duniya Do Din Ka Mela Hai, Mauj Shauk Tum Bhi Kar Lo l
Gar Isse Milata Hai Sab Kuchh, Tum Bhi Isko Lelo. ll
Hairaani Badhati Janta Ki, Lakh Iski Kaarastaani l
Pramudit Vah Bhi Man Hi Man Tha, Lakh Logo Ki Naadani. ll
Khabar Sunaane Baba Ko Yah, Gaya Daudkar Sevak Ek l
Sunkar Bhrikuti Tani Aur, Vismaran Ho Gaya Sabhi-Vivek. ll
Hukm Diya Sevak Ko, Satvar Pakad Dusht Ko Laao l
Ya Shirdi Ki Sima Se, Kapti Ko Dur Bhagaavo. ll
Mere Rahte Bholi-Bhali, Shirdi Ki Janta Ko l
Kaun Nich Aisa Jo Saahas Karata Hai Chhalane Ko. ll
Pal Bhar Me Hi Aise Dhongi, Kapati Niich Lutere Ko l
Mahaanash Ke Mahaagart Me, Pahuncha Du Jivan Bhar Ko. ll
Tanik Mila Aabhas Madaari Krur, Kutil Anyaayi Ko l
Kaal Naachta Hai Ab Sir Par, Gussa Aaya Sai Ko. ll
Palbhar Me Sab Khel Band Kar, Bhaaga Sir Par Rakhkar Pair l
Sochta Tha Man Hi Man, Bhagvaan Nahi Hai Ab Khair. ll
Sach Hai Sai Jaisa Daani, Mil Na Sakega Jag Me l
Ansh Ish Ka Saibaba, Unhe Na Kuchh Bhi Mushkil Jag Me. ll
Sneh, Shil, Saujany Aadi Ka, Aabhushan Dhaaran Kar l
Badhata Is Duniya Me Jo Bhi Maanav-Seva Ke Path Par. ll
Vahi Jit Leta Hai Jagati Ke, Jan-Jan Ka Antahsthal l
Usaki Ek Udaasi Hi Jag Ko, Kar Deti Hai Vihval. ll
Jab-Jab Jag Me Bhaar Paap Ka, Badh Badh Hi Jaata Hai l
Use Mitaane Ke Hi Khaatir, Avataari Hi Aata Hai. ll
Paap Aur Anyaay Sabhi Kuchh, Is Jagti Ka Har Ke l
Dur Bhaga Deta Duniya Ke, Daanav Ko Kshan Bhar Me. ll
Sneh Sudha Ki Dhaar Barsane, Lagati Hai Is Duniya Me l
Gale Paraspar Milne Lagte, Hai Jan-Jan Aapas Me. ll
Aise Hi Avataari Sai, Mrityulok Me Aakar l
Samta Ka Yah Paath Padhaaya, Sabako Apana Aap Mitaakar. ll
Naam Dwarka Masjid Ka, Rakkha Shirdi Me Sai Ne l
Daap, Taap, Santaap Mitaaya, Jo Kuchh Aaya Sai Ne. ll
Sadaa Yaad Me Mast Ram Ki, Baithe Rahte The Sai l
Pahar Aath Hi Ram Naam Ka, Bhajate Rahate The Sai. ll
Sukhi-Rukhi Taaji-Baasi, Chahe Ya Hove Pakvaan l
Sada Pyaar Ke Bhukhe Sai Ki Khaatir The Sabhi Samaan. ll
Sneh Aur Shraddha Se Apani, Jan Jo Kuchh De Jaate The l
Bade Chaav Se Us Bhojan Ko, Baba Paavan Karate The. ll
Kabhi-Kabhi Man Bahlaane Ko, Baba Bag Me Jaate The l
Pramudit Man Nirakh Prakriti, Chhata Ko Ve Hote The. ll
Rang-Birange Pushp Bag Ke, Mand-Mand Hil-Dul Karake l
Bihad Viraane Man Me Bhi, Sneh Salil Bhar Jaate The. ll
Aisi Sumadhur Bela Me Bhi, Dukh Aapaat Vipada Ke Mare l
Apne Man Ki Vyatha Sunaane, Jan Rahte Baba Ko Ghere. ll
Sunakar Jinaki Karun Katha Ko, Nayan Kamal Bhar Aate The l
De Vibhuti Har Vyatha, Shaanti Unake Ur Me Bhar Dete The. ll
Jaane Kya Adbhut, Shakti, Us Vibhuti Me Hoti Thi l
Jo Dhaaran Karte Mastak Par, Dukh Saara Har Leti Thi. ll
Dhany Manuj Ve Saakshaat Darshan, Jo Baba Sai Ke Paaye l
Dhany Kamal Kar Unake Jinase, Charan-Kamal Ve Parsaaye. ll
Kaash Nirbhay Tumko Bhi, Saakshaat Sai Mil Jaata l
Barso Se Ujada Chaman Apana, Phir Se Aaj Khil Jaata. ll
Gar Pakdata Mein Charan Shri Ke, Nahi Chhodata Umrabhar l
Mana Leta Mein Jarur Unko, Gar Ruthte Sai Mujh Par.ll



Related articles
Saibaba Aarti English Hindi 1 (prophet666.com)
Aarti of Saibaba English Hindi 2 (prophet666.com)
Shri.Ram Aarti English-Hindi (prophet666.com)
Hanuman Aarti-English Hindi (prophet666.com)
Shirdi Sai Baba Gayatri Mantras (prophet666.com)
Aartis - Marathi - English (prophet666.com)

Comments

  1. Hello, I am searching for kuber bhavni in english lyrics. Does any body know where to look for it on net. Please post if any body knows. Thanks.

    ReplyDelete

Post a Comment

Feel free to speak your mind and share your thoughts and knowledge. Answer the Queries of others. Please do not expect answers for obvious or personal questions. Information/HTML given in comments; especially on Vashikaran, Mohini, Akarshan, Occult, Witchcraft, Hex and Voodoo Spells, Black Magic Mantra, Tantra, Jadu- Tona, Totka and Upay is not endorsed by this site See New Comment Policy

Most Popular Posts

Most powerful Vashikaran Mantra

Attraction Mantras